Belly, igjen, og igjen…

Eg fekk så mange positive kommentarar frå slekt og vener på det første paret med Belly-sokkar, mamma bestilte til og med eit par til seg sjølv. Berre DET er stort, for ei som har ei mor som er råflink til alt som har med handarbeid å gjere.  Uansett. Eg strikka eit likt par i Arwetta til ho, som ho fekk til bursdagen sin. Sokkane har allereie vore på tur til Frankrike og redda nattesøvnen ei natt ho hadde så urolege bein. Plusspoeng!

For ei tid tilbake fekk eg eit nøste med Wollmeise i posten. Har lenge leita etter DEN gulfargen. Denne er ikkje heilt 100% det eg er på jakt etter, den er litt for påskete. 98% kanskje. Ein dag finn eg nok rette gulfargen.

Synast hælane på dette mønsteret er så kjekt å strikke, sjå berre kor fine dei er!

IMG_0057 IMG_0046 IMG_0048 IMG_0054

Info:
Oppskrift av Wims
Garn: Wollmeise Sock
Farge: Limone
Vekt: 66 g
Ravelry

 

Enkle stripesokkar 2.0

Etter det første stripesokke-paret med tusen-millionar trådar å feste, tenkte eg at det må vere ein enklare måte å gjere dette på. (Dette paret har endå ikkje fått alle trådane festa, difor får dette ein eigen post seinare. Sjølv om dei blei ferdig først.)

Mor sitt forslag: «Ta no med deg tråden vidare nedover/oppover sokken så slepp du all festinga». Testa dette på det første paret med stripesokkar, men  synast ikkje dette er eit så fantastisk godt forslag då eg strikkar ganske stramt. Dobbel tråd nedover blir då ein ekkel «kant» midt på sokken. Tek du dette med i berekninga om at eg er utruleg var på stoff/kantar/ting som strammar på feil plass. Forslag forkasta.

Mitt forslag/løysing: Strikk fleire striper, slik at tråd-snurringa blir over berre ein-to omgangar. I praksis det same som mor sitt forslag, men likevel blir resultatet ikkje heilt likt.

På sokk nr 2 flytta eg hælen, slik at eg har fått ein høgre og ein venstresokk, der «saumen» er på innsida av føtene.

As said as done, sokkane blei strikka og hamna i korga i påvente av at enkelte skulle få anda over seg til å feste trådar. Lenge låg dei der, eg kan vel ikkje noko for at det er kjekkare å strikke enn å feste trådar?

IMG_0061 IMG_0066 IMG_0068

Infoboks:
Oppskrift: Enkle sokker av http://badegakk.wordpress.com/
Garn: Filcolana Arwetta Classic
Vekt: 62 g
Ravelry

Sommarferie


Har vore på ferietur, og vore innom omlag alle garnbutikkane eg har kome over.

Trondheim: Overbeviste Mannen om at vi kunne vel kanskje sjå kva som var i den retninga der. Gjekk innom eit museum, før «åja, kan ikkje vi gå den gata der?» *Hosthost* Sneaky-Ida får det som regel som ho vil. ;) Nøstebarn besøkt, og sidan svogeren min skal bli pappa igjen i desember, så to nøster med 2-tråds merino lammeull blei med heim for å bli omvandla til nøstebarnteppe.

2 tråds nøstebarn merino

Røros: På veg til Oslo, så fann vi ut at vi skulle køyre til Røros, for ingen av oss har vore der på mange år. Forutan å ete eit fantastisk smørbrød med reinsdyr (omnomnom) så var det heilt tilfeldig at eg fann ein garnbutikk på Domus. Sat og venta på Mannen, pleia hodepina som trua med å bryte gjennom, då eg såg eit garnbutikkskilt. OMG! Sendte Mannen ei tekstmelding om at eg gjekk ned i etasjen under, og strena inn i garnbutikken. Håpet om noko anna garn enn berre Sandnes og Drops var ikkje stort. Fann lite av interesse, og var eigentleg ferdig å kike, før BOOM! Der, ved disken, var ei svær, svær hylle fylt med ingenting anna enn KAUNI! Herregud.. Første gang eg har funne ein garnbutikk med Kauni-garn i, og det var eit rett vakkert syn. Heldigvis kom Mannen til, så eg la litt band på meg på handlinga, men det blei med 4 nøster heim.

KAUNIDRAUM

Oslo: Eg la kjapt inn «Markveien 56C» i kart-appen på telefonen, og oppdaga at dei vi skulle bu med for natta budde ikkje så veldig langt frå butikken. Ja, Pickles-butikken, altså. Me kom oss aldri så langt til at vi drog dit, men no veit eg kvar butikken er, og det hamna nokre nøster i bestilling denne veka, til kvardagsjakka eg skal strikke. Hadde veldig, veldig, VELDIG lyst å stikke innom butikken, men av og til passar det rett og slett ikkje.

IMG_0070

Mandal/Lindesnes: Eg har slekt på Sørlandet, nærare bestemt Lindesnes. På veg til Lindesnes frå Austlandet, så passerar ein Mandal. For kjentfolk, så ligg Sjølingstad Uldvarefabrikk sånn ca 3 meter frå kommunegrensa mellom Mandal og Lindesnes kommune. Diverre så var ikkje Mannen så gira på å dra hit, og den dagen eg tenkte å ta med Mormora på tur så streika bilen. Tomt batteri, lang historie som involverar hyttebesøk og ei kjøleboks og ein batteriladar som absolutt ikkje ville lade bilen vår.

Hareid: Kom heim, så slo det meg at eg kunne no kjøpt eit nøste kvit kauni til sinnasaujakka mi, for å få kvite sauar. Bestilt. Så slo det meg at eg ikkje har garn til kvardagsjakka som eg har hatt lyst til å strikke. Planen var å handle Pickles Pure Wool i Oslo til denne, så det var eigentleg berekna eit garnkjøp der. Bestilt. Det hamna og ei overrasking i korga hos Malsen og Mor, men denne får eg ha som vinterprosjekt. Trur dette får bli ei overrasking… Jepp.

Uansett, eg har hatt ein utruleg flott ferie, og måndag er det tilbake til livet som arbeidsmaur. Har dog fått strikka en del litt i løpet av ferien, og no når trådfestingsånda kom over meg så har eg utruleg nok fått ferdigstilt nokre prosjekt og. (Les: Sokkar).

Kjem brått attende med meir.